shahr-e-nigaran mein phirte hain hum aawara raat Dhale

shahr-e-nigārāñ meñ phirte haiñ ham āvāra raat Dhale

shāyad koī darīcha vā ho shāyad koī diip jale

koī ġham-āgīñ naġhma chheḌe koī 'mīr' ke sher paḌhe

kam kam dard kī kaliyāñ mahkeñ pal pal ġham kī raat Dhale

vīrāñ vīrāñ dil kī bastī suunī suunī rāh-e-vafā

aise kaThin raste pe koī do-chār qadam to saath chale

chaak har ik gul kā dāman aur āvāra har mauj-e-sabā

jaise mujh se mil na sakā ho koī bichhaḌte vaqt gale

ḳhatm huā hai 'ishqī' tum par silsila-e-vahshat-zadagāñ

shāyad koī shaḳhs tumhāre ba.ad vafā kā naam na le

shahr-e-nigaran mein phirte hain hum aawara raat Dhale

shayad koi daricha wa ho shayad koi dip jale

koi gham-agin naghma chheDe koi 'mir' ke sher paDhe

kam kam dard ki kaliyan mahken pal pal gham ki raat Dhale

viran viran dil ki basti suni suni rah-e-wafa

aise kaThin raste pe koi do-chaar qadam to sath chale

chaak har ek gul ka daman aur aawara har mauj-e-saba

jaise mujh se mil na saka ho koi bichhaDte waqt gale

KHatm hua hai 'ishqi' tum par silsila-e-wahshat-zadagan

shayad koi shaKHs tumhaare baad wafa ka nam na le