shahr-e-sadmat se aage nahin jaane wala

shahr-e-sadmāt se aage nahīñ jaane vaalā

maiñ tirī zaat se aage nahīñ jaane vaalā

tū bhī auqāt meñ rah mujh se jhagaḌne vaale

maiñ bhī auqāt se aage nahīñ jaane vaalā

aise lagtā hai mirī jaan ta.alluq apnā

is mulāqāt se aage nahīñ jaane vaalā

aaj kī raat hai bas nuur kī kirnoñ kā jalāl

diip is raat se aage nahīñ jaane vaalā

mere kashkol meñ Daal aur zarā ijz ki maiñ

itnī ḳhairāt se aage nahīñ jaane vaalā

shahr-e-sadmat se aage nahin jaane wala

main teri zat se aage nahin jaane wala

tu bhi auqat mein rah mujh se jhagaDne wale

main bhi auqat se aage nahin jaane wala

aise lagta hai meri jaan talluq apna

is mulaqat se aage nahin jaane wala

aaj ki raat hai bas nur ki kirnon ka jalal

dip is raat se aage nahin jaane wala

mere kashkol mein Dal aur zara ijz ki main

itni KHairaat se aage nahin jaane wala