shahr-e-shor-o-shar tanha ghar ke baam-o-dar tanha
shahr-e-shor-o-shar tanhā ghar ke bām-o-dar tanhā
tum nahīñ to lagtā hai ālam-e-bashar tanhā
dard āshnā taa.ir chheḌ naġhma-e-hasrat
kyuuñ ḳhamosh baiThā hai ġham kī shāḳh par tanhā
jab ḳhushī kā mausam thā ham-safar thā ik aalam
kāTnī hai ab lekin ġham kī rahguzar tanhā
har taraf tirī yādeñ muskurātī rahtī haiñ
kis ne kah diyā tujh se ab hai merā ghar tanhā
tum ne ba.ad muddat ke dil kā haal pūchhā hai
karvaTeñ badaltā hai ġham kī sej par tanhā
shahr ke galī kūche pūchhte haiñ rah rah kar
ai 'sarosh' phirte ho kyuuñ idhar-udhar tanhā
ai 'sarosh' mat pūchho merī kyā haqīqat hai
zindagī ke sahrā meñ dard kā shajar tanhā
shahr-e-shor-o-shar tanha ghar ke baam-o-dar tanha
tum nahin to lagta hai aalam-e-bashar tanha
dard aashna tair chheD naghma-e-hasrat
kyun KHamosh baiTha hai gham ki shaKH par tanha
jab KHushi ka mausam tha ham-safar tha ek aalam
kaTni hai ab lekin gham ki rahguzar tanha
har taraf teri yaaden muskuraati rahti hain
kis ne kah diya tujh se ab hai mera ghar tanha
tum ne baad muddat ke dil ka haal puchha hai
karwaTen badalta hai gham ki sej par tanha
shahr ke gali kuche puchhte hain rah rah kar
ai 'sarosh' phirte ho kyun idhar-udhar tanha
ai 'sarosh' mat puchho meri kya haqiqat hai
zindagi ke sahra mein dard ka shajar tanha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
