شہر تاریک کو سپنوں کا نگر ہونے تک

شہر تاریک کو سپنوں کا نگر ہونے تک

منتظر بیٹھی ہوں اس شب کی سحر ہونے تک

ہجر میں حالت دل کیسے سنبھل پائے گی

راہ دشوار سے یادوں کا گزر ہونے تک

رات کی گود میں ارمان لئے بیٹھی ہوں

کاش آ جائے وہ یہ رات بسر ہونے تک

اس کا مجھ سے ہے تقاضا کہ گلستاں میں رہوں

اپنی رعنائی کا پھولوں پہ اثر ہونے تک

پیار کو اہل زمانہ سے بچا کر رکھیے

پیار کی اپنی سبھی منزلیں سر ہونے تک

وہ تو آ جائے گا مجھ کو یہ یقیں ہے لیکن

مٹ نہ جاؤں کہیں میں اس کو خبر ہونے تک

تم نے زریابؔ یوں ہی نغمہ سنایا تھا اسے

اس کو گانا ہے مگر پیار امر ہونے تک