shahr-e-tarab mein aaj ajab hadisa hua

shahr-e-tarab meñ aaj ajab hādisa huā

hañste meñ us kī aañkh se aañsū chhalak paḌā

hairān ho ke soch rahā thā ki kyā kahūñ

ik shaḳhs mujh se merā pata pūchhne lagā

haala nahīñ hai ātish-e-furqat kī aañch hai

taarā na thā to chāñd kā pahlū sulag uThā

ab yaad bhī nahīñ ki shikāyat thī un se kyā

bas ik ḳhayāl zehn ke goshe meñ rah gayā

kitne hī taare TuuT ke dāman meñ aa gire

jab chaudhvīñ kā chāñd ghaTāoñ meñ jā chhupā

bād-e-ḳhizāñ chaman se shabistāñ tak aa ga.ī

takiye kā surḳh phuul bhī murjhā ke rah gayā

sochā thā us se duur kahīñ jā baseñge ham

lekin 'sarosh' ham se peshawar na chhuT sakā

shahr-e-tarab mein aaj ajab hadisa hua

hanste mein us ki aankh se aansu chhalak paDa

hairan ho ke soch raha tha ki kya kahun

ek shaKHs mujh se mera pata puchhne laga

haala nahin hai aatish-e-furqat ki aanch hai

tara na tha to chand ka pahlu sulag uTha

ab yaad bhi nahin ki shikayat thi un se kya

bas ek KHayal zehn ke goshe mein rah gaya

kitne hi tare TuT ke daman mein aa gire

jab chaudhwin ka chand ghaTaon mein ja chhupa

baad-e-KHizan chaman se shabistan tak aa gai

takiye ka surKH phul bhi murjha ke rah gaya

socha tha us se dur kahin ja basenge hum

lekin 'sarosh' hum se peshawar na chhuT saka