شہر الفت میں بجز جاں کا زیاں کچھ بھی نہیں
شہر الفت میں بجز جاں کا زیاں کچھ بھی نہیں
لوٹ چل اے دل ناداں کہ یہاں کچھ بھی نہیں
آتش عشق بجھی راکھ اڑی دور تلک
اب نہ شعلہ نہ شرارہ نہ دھواں کچھ بھی نہیں
شب کے سناٹوں میں آوارہ بھٹکتے ہی رہے
اور بھٹکنے کا سبب بھی تھا کہاں کچھ بھی نہیں
کس عجب موڑ پہ گردش ہمیں لائی کہ جہاں
اپنے ہونے کا یقیں ہے نہ گماں کچھ بھی نہیں
ایسی راتوں کا مسافر ہوں مرے حصے میں
چاند کا نور نہ تاروں کا نشاں کچھ بھی نہیں
دل میں گر بات کوئی ہے تو کہو بات کہ ہے
گر نہیں ہے تو کہو صاف کہ ہاں کچھ بھی نہیں
دھوپ سائے کو ترستی ہوئی دیکھ آئے ہیں
کچھ نہیں آس کے صحرا میں میاں کچھ بھی نہیں
زندگی دشت کی مانند نظر آتی ہے
جس کی قسمت میں زمستاں نہ خزاں کچھ بھی نہیں
کوئی قاتل نہیں مقتل پہ پڑے ہیں تالے
تم کہاں جاتے ہو صاحب کہ وہاں کچھ بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
