shahr mein aa hi gae hain to guzara kar len

shahr meñ aa hī ga.e haiñ to guzārā kar leñ

ab bahar-hāl har ik shai ko gavārā kar leñ

DhūñDte hī rahe ghar meñ koī khiḌkī na milī

ham ne chāhā jo kabhī un kā nazāra kar leñ

apnī tanhā.ī kā ehsās adhūrā hai abhī

ā.īna toḌ deñ saa.e se kinārā kar leñ

apne jalte hue ehsās meñ tapte tapte

mom ban jaa.eñ yā apne ko sharāra kar leñ

zindagī tum se ibārat hai merī jaañ lekin

phir bhī hasrat hai yahī zikr tumhārā kar leñ

shahr mein aa hi gae hain to guzara kar len

ab bahar-haal har ek shai ko gawara kar len

DhunDte hi rahe ghar mein koi khiDki na mili

hum ne chaha jo kabhi un ka nazara kar len

apni tanhai ka ehsas adhura hai abhi

aaina toD den sae se kinara kar len

apne jalte hue ehsas mein tapte tapte

mom ban jaen ya apne ko sharara kar len

zindagi tum se ibarat hai meri jaan lekin

phir bhi hasrat hai yahi zikr tumhaara kar len