shahr-o-bazar se nikal aae

shahr-o-bāzār se nikal aa.e

ab ḳharīdār se nikal aa.e

aañkh tarsī thī ek muddat se

ashk dīdār se nikal aa.e

is kahānī meñ us ko marnā thā

ham hī kirdār se nikal aa.e

dushmanī dushmanī nahīñ niklī

dost ġhaddār se nikal aa.e

pārsā chhup ga.e salīboñ se

ham gunahgār se nikal aa.e

ab ki suqrāt aur falātūñ sab

merī guftār se nikal aa.e

shahr-o-bazar se nikal aae

ab KHaridar se nikal aae

aankh tarsi thi ek muddat se

ashk didar se nikal aae

is kahani mein us ko marna tha

hum hi kirdar se nikal aae

dushmani dushmani nahin nikli

dost ghaddar se nikal aae

parsa chhup gae salibon se

hum gunahgar se nikal aae

ab ki suqraat aur falatun sab

meri guftar se nikal aae