shahr sab hadson ki zad mein tha
shahr sab hādsoñ kī zad meñ thā
raat din sānehoñ kī zad meñ thā
aks-dar-aks baT gayā thā vajūd
is qadar ā.inoñ kī zad meñ thā
manziloñ kā surāġh kyā paate
ki safar rāstoñ kī zad meñ thā
ruuh ke zaḳhm hī na the nāsūr
jism bhī kirchiyoñ kī zad meñ thā
go thā muḳhtār-e-kul magar insāñ
kitnī majbūriyoñ kī zad meñ thā
ek insāñ hazār paimāne
aadmī falsafoñ kī zad meñ thā
sar pe ik sā.ebāñ thā bosīda
aur ghar bārishoñ kī zad meñ thā
shahr sab hadson ki zad mein tha
raat din sanehon ki zad mein tha
aks-dar-aks baT gaya tha wajud
is qadar aainon ki zad mein tha
manzilon ka suragh kya pate
ki safar raston ki zad mein tha
ruh ke zaKHm hi na the nasur
jism bhi kirchiyon ki zad mein tha
go tha muKHtar-e-kul magar insan
kitni majburiyon ki zad mein tha
ek insan hazar paimane
aadmi falsafon ki zad mein tha
sar pe ek saeban tha bosida
aur ghar barishon ki zad mein tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
