shahr se ek taraf dur bahut

shahr se ek taraf duur bahut

aaj royā dil-e-mahjūr bahut

duur hai sub.h shab-e-ġham ai dil

hai sitāroñ maiñ abhī nuur bahut

kis ko manzūr thā rusvā honā

dil ke hāthoñ hue majbūr bahut

maut ayyām-e-javānī meñ bhī

nazar aatī thī magar duur bahut

munhasir vādī-e-sīnā pe nahīñ

jazb-e-mūsā ho agar tuur bahut

ek hī vaar ke qābil niklā

yuuñ to kahne ko haiñ mansūr bahut

tum ko kis rañj ne maarā 'mahrūm'

ki nazar aate ho ranjūr bahut

shahr se ek taraf dur bahut

aaj roya dil-e-mahjur bahut

dur hai subh shab-e-gham ai dil

hai sitaron main abhi nur bahut

kis ko manzur tha ruswa hona

dil ke hathon hue majbur bahut

maut ayyam-e-jawani mein bhi

nazar aati thi magar dur bahut

munhasir wadi-e-sina pe nahin

jazb-e-musa ho agar tur bahut

ek hi war ke qabil nikla

yun to kahne ko hain mansur bahut

tum ko kis ranj ne mara 'mahrum'

ki nazar aate ho ranjur bahut