شہر سے ایک طرف دور بہت
شہر سے ایک طرف دور بہت
آج رویا دل مہجور بہت
دور ہے صبح شب غم اے دل
ہے ستاروں میں ابھی نور بہت
کس کو منظور تھا رسوا ہونا
دل کے ہاتھوں ہوئے مجبور بہت
موت ایام جوانی میں بھی
نظر آتی تھی مگر دور بہت
منحصر وادیٔ سینا پہ نہیں
جذب موسیٰ ہو اگر طور بہت
ایک ہی وار کے قابل نکلا
یوں تو کہنے کو ہیں منصور بہت
تم کو کس رنج نے مارا محرومؔ
کہ نظر آتے ہو رنجور بہت
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
