shahryaron ne dikhain mujhko taswiren bahut

shahryāroñ ne dikhā.īñ mujh ko tasvīreñ bahut

terī bastī tak milīñ raste meñ jāgīreñ bahut

nazr-e-ātish kar rahe ho aaj par kal dekhnā

in sahīfoñ kī likhī jā.eñgī tafsīreñ bahut

aaj bhī mere liye mashkūk hai terā lagāv

pattharoñ pe naqsh dekhīñ maiñ ne tahrīreñ bahut

saat rañgoñ meñ baTī ho jaise sūraj kī kiran

ḳhvāb dekhā ek, dekhīñ us kī ta.abīreñ bahut

ab bichhaḌ kar phir rahī hai ban kī devī bad-havās

mujh se vahshī ke liye tarsī thiiñ zanjīreñ bahut

un ko fursat hī na mil paa.ī ki suljhā.eñ ye jaal

ḳhatm ho kar rah ga.iiñ hāthoñ meñ taqdīreñ bahut

vo kisī pahlū mujhe qātil na lagtā thā 'salīm'

yuuñ to thiiñ ārā.ish-e-dīvār shamshīreñ bahut

shahryaron ne dikhain mujh ko taswiren bahut

teri basti tak milin raste mein jagiren bahut

nazr-e-atish kar rahe ho aaj par kal dekhna

in sahifon ki likhi jaengi tafsiren bahut

aaj bhi mere liye mashkuk hai tera lagaw

pattharon pe naqsh dekhin main ne tahriren bahut

sat rangon mein baTi ho jaise suraj ki kiran

KHwab dekha ek, dekhin us ki tabiren bahut

ab bichhaD kar phir rahi hai ban ki dewi bad-hawas

mujh se wahshi ke liye tarsi thin zanjiren bahut

un ko fursat hi na mil pai ki suljhaen ye jal

KHatm ho kar rah gain hathon mein taqdiren bahut

wo kisi pahlu mujhe qatil na lagta tha 'salim'

yun to thin aaraish-e-diwar shamshiren bahut