shaiKH aaKHir ye surahi hai koi KHum to nahin

shaiḳh āḳhir ye surāhī hai koī ḳhum to nahīñ

aur bhī baiThe haiñ mahfil meñ hamīñ tum to nahīñ

nā-ḳhudā hosh meñ aa hosh tire gum to nahīñ

ye to sāhil ke haiñ āsār-e-talātum to nahīñ

nāz-o-andāz-o-adā hoñToñ pe halkī sī hañsī

terī tasvīr meñ sab kuchh hai takallum to nahīñ

dekh anjām mohabbat kā burā hotā hai

mujh se duniyā yahī kahtī hai bas ik tum to nahīñ

muskurāte haiñ salīqe se chaman meñ ġhunche

tum se sīkhā huā andāz-e-tabassum to nahīñ

ab ye mansūr ko dī jaatī hai nāhaq suulī

haq kī pūchho to vo andāz-e-takallum to nahīñ

chāñdnī-rāt kā kyā lutf 'qamar' ko aa.e

laakh tāroñ kī bahāreñ haiñ magar tum to nahīñ

shaiKH aaKHir ye surahi hai koi KHum to nahin

aur bhi baiThe hain mahfil mein hamin tum to nahin

na-KHuda hosh mein aa hosh tere gum to nahin

ye to sahil ke hain aasar-e-talatum to nahin

naz-o-andaz-o-ada honTon pe halki si hansi

teri taswir mein sab kuchh hai takallum to nahin

dekh anjam mohabbat ka bura hota hai

mujh se duniya yahi kahti hai bas ek tum to nahin

muskuraate hain saliqe se chaman mein ghunche

tum se sikha hua andaz-e-tabassum to nahin

ab ye mansur ko di jati hai nahaq suli

haq ki puchho to wo andaz-e-takallum to nahin

chandni-raat ka kya lutf 'qamar' ko aae

lakh taron ki bahaaren hain magar tum to nahin