shajar parind KHas-o-Khaar ko bachana paDa

shajar parind ḳhas-o-ḳhār ko bachānā paḌā

chaman meñ aag lagī thī use bujhānā paḌā

bahut diye the jo maiñ ne jalā ke rakkhe the

har ik diye meñ magar ḳhud hī jhilmilānā paḌā

bichhaḌ gayā thā kisī roz apne aap se maiñ

phir apne aap ko us kī galī se laanā paḌā

vo ḳhud hī merī kahānī meñ ho gayā shāmil

aur us ke naam kā kirdār bhī nibhānā paḌā

vo hārtā huā dekhā nahīñ gayā mujh se

shikast maan lī aur us se haar jaanā paḌā

kisī kā dil na dukhā.eñge ham ne sochā thā

phir ek din hameñ apnā hī dil dukhānā paḌā

shajar parind KHas-o-KHar ko bachana paDa

chaman mein aag lagi thi use bujhana paDa

bahut diye the jo main ne jala ke rakkhe the

har ek diye mein magar KHud hi jhilmilana paDa

bichhaD gaya tha kisi roz apne aap se main

phir apne aap ko us ki gali se lana paDa

wo KHud hi meri kahani mein ho gaya shamil

aur us ke nam ka kirdar bhi nibhana paDa

wo haarta hua dekha nahin gaya mujh se

shikast man li aur us se haar jaana paDa

kisi ka dil na dukhaenge hum ne socha tha

phir ek din hamein apna hi dil dukhana paDa