shak mein jakDe se sawalat kahan jaante hain
shak meñ jakḌe se savālāt kahāñ jānte haiñ
'ishq vaale ye ḳhurāfāt kahāñ jānte haiñ
aap vāqif haiñ mire dost hasīñ lafzoñ se
badle lahjoñ kī karāmāt kahāñ jānte haiñ
aap ne dekhā hai dariyā ko magan bahte hue
is meñ Duube jo mazāfāt kahāñ jānte haiñ
jab vo bichhḌegā to sochoñ kā bhañvar kahtā hai
apnī hogī bhī mulāqāt kahāñ jānte haiñ
aap ne jis ko banā rakkhā hai bholā-bhālā
us kī mastī ke kamālāt kahāñ jānte haiñ
ġham kī īñToñ se makāñ apnā banāne vaale
rasm-e-ulfat ke mazārāt kahāñ jānte haiñ
maañg lete haiñ bharose pe ki vo de degā
ham ḳhatā-kār munājāt kahāñ jānte haiñ
shak mein jakDe se sawalat kahan jaante hain
'ishq wale ye KHurafat kahan jaante hain
aap waqif hain mere dost hasin lafzon se
badle lahjon ki karamat kahan jaante hain
aap ne dekha hai dariya ko magan bahte hue
is mein Dube jo mazafat kahan jaante hain
jab wo bichhDega to sochon ka bhanwar kahta hai
apni hogi bhi mulaqat kahan jaante hain
aap ne jis ko bana rakkha hai bhola-bhaala
us ki masti ke kamalat kahan jaante hain
gham ki inTon se makan apna banane wale
rasm-e-ulfat ke mazaraat kahan jaante hain
mang lete hain bharose pe ki wo de dega
hum KHata-kar munajat kahan jaante hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
