shaKHsiyat jis ki anal-haq ki saza-war lage

shaḳhsiyat jis kī anal-haq kī sazā-vār lage

har taraf us ke na kyoñ falsafa-e-dār lage

saañs maiñ rokūñ to ruk jaa.e nizām-e-ālam

nabz hāthoñ kī mire vaqt kī raftār lage

ḳhabar-e-hāl-e-chaman kyoñ na mile nāzir ko

varaq-e-chehra-e-gul saf.ha-e-aḳhbār lage

ho ga.ī aam añdhere kī ḳhabar chhup na sakī

sub.h har chehre hameñ raat ke aḳhbār lage

jis kī nazroñ meñ nahīñ siip kī koī qīmat

abr-e-naisāñ kā amal hī use dur-bār lage

shaKHsiyat jis ki anal-haq ki saza-war lage

har taraf us ke na kyon falsafa-e-dar lage

sans main rokun to ruk jae nizam-e-alam

nabz hathon ki mere waqt ki raftar lage

KHabar-e-haal-e-chaman kyon na mile nazir ko

waraq-e-chehra-e-gul safha-e-aKHbar lage

ho gai aam andhere ki KHabar chhup na saki

subh har chehre hamein raat ke aKHbar lage

jis ki nazron mein nahin sip ki koi qimat

abr-e-naisan ka amal hi use dur-bar lage