shakl-e-mizhgan na Khaar ki si hai

shakl-e-mizhgāñ na ḳhaar kī sī hai

ham ne taaḌī kaTār kī sī hai

hañs ke kahte haiñ bosa-bāzī meñ

jiit bhī apnī haar kī sī hai

ishq-e-mizhgāñ meñ ham ne kāñToñ se

sozanī jism-e-zār kī sī hai

us pe ālam-fareb hai duniyā

phuus baḌhiyā madār kī sī hai

garm-raftār hai vo jaane meñ

mujh ko aamad najār kī sī hai

apnī āñkhoñ meñ har galī tasvīr

'shād' putlī kumhār kī sī hai

shakl-e-mizhgan na KHar ki si hai

hum ne taDi kaTar ki si hai

hans ke kahte hain bosa-bazi mein

jit bhi apni haar ki si hai

ishq-e-mizhgan mein hum ne kanTon se

sozani jism-e-zar ki si hai

us pe aalam-fareb hai duniya

phus baDhiya madar ki si hai

garm-raftar hai wo jaane mein

mujh ko aamad najar ki si hai

apni aankhon mein har gali taswir

'shad' putli kumhaar ki si hai