shakl izzat-maab ki si hai

shakl izzat-ma.āb kī sī hai

dil meñ bhaTTī sharāb kī sī hai

yuuñ nishāñ hai jabīñ pe sajde kā

Tikiyā shāmī kabāb kī sī hai

radio par sunī jo nazm kahā

shā.er-e-inqalāb kī sī hai

bolā koī gadhā kahā āvāz

usī ḳhāna-ḳharāb kī sī hai

ab hasīnoñ kī shakl makeup se

cinema kī kitāb kī sī hai

aap ke mere koī hai rishta

baat jaise hijāb kī sī hai

uTh ga.e jo adiib un kī misāl

āsmānī kitāb kī sī hai

ahl-e-fan ne sunī hazal to kahā

ye to 'ġhālib' navāb kī sī hai

'nāvak' urdu zabān kī hālat

aaj gūñge ke ḳhvāb kī sī hai

shakl izzat-maab ki si hai

dil mein bhaTTi sharab ki si hai

yun nishan hai jabin pe sajde ka

Tikiya shami kabab ki si hai

radio par suni jo nazm kaha

shaer-e-inqalab ki si hai

bola koi gadha kaha aawaz

usi KHana-KHarab ki si hai

ab hasinon ki shakl makeup se

cinema ki kitab ki si hai

aap ke mere koi hai rishta

baat jaise hijab ki si hai

uTh gae jo adib un ki misal

aasmani kitab ki si hai

ahl-e-fan ne suni hazal to kaha

ye to 'ghaalib' nawab ki si hai

'nawak' urdu zaban ki haalat

aaj gunge ke KHwab ki si hai