shama ki aaghosh Khaali kar ke parwana chala

sham.a kī āġhosh ḳhālī kar ke parvāna chalā

aage aage thī haqīqat pīchhe afsāna chalā

kaun dīvāna thā jo hamrāh dīvāna chalā

shakl-e-gard-e-rahguzar kuchh duur vīrāna chalā

halqa-e-sūd-e-ziyāñ se ho ke begāna chalā

be-niyāzāna thā aayā be-niyāzāna chalā

ye bhī ik rasm-e-ta.alluq hai ba-qadr-e-āgahī

baat ka.abe kī jo aa.ī zikr-e-but-ḳhāna chalā

kuchh ishāre kuchh kinā.e kuchh ḳhamoshī kuchh bayān

guftugū kā silsila bhī rāz-dārāna chalā

lan-tarānī kyā burī thī bahar-e-taqrīb-e-suḳhan

kyuuñ na le kar phir koī zauq-e-kalīmāna chalā

shama ki aaghosh KHali kar ke parwana chala

aage aage thi haqiqat pichhe afsana chala

kaun diwana tha jo hamrah diwana chala

shakl-e-gard-e-rahguzar kuchh dur virana chala

halqa-e-sud-e-ziyan se ho ke begana chala

be-niyazana tha aaya be-niyazana chala

ye bhi ek rasm-e-talluq hai ba-qadr-e-agahi

baat kabe ki jo aai zikr-e-but-KHana chala

kuchh ishaare kuchh kinae kuchh KHamoshi kuchh bayan

guftugu ka silsila bhi raaz-darana chala

lan-tarani kya buri thi bahar-e-taqrib-e-suKHan

kyun na le kar phir koi zauq-e-kalimana chala