shama raushan jism-e-fanus-e-KHayali mein hai aaj

sham.a raushan jism-e-fānūs-e-ḳhayālī meñ hai aaj

ruuh juuñ misl-e-magas makḌoñ kī jaalī meñ hai aaj

ham nahīñ hargiz hubāb-e-bahar-e-imkāñ dahr meñ

sān.e-e-kaunain shakl-e-be-misālī meñ hai aaj

ka.aba-e-dil arsh hai har dam jahāñ rahtā huuñ maiñ

merī pahchānat ye jism-e-lā-yazālī meñ hai aaj

naam sun kar jo koī aayā hai vo paayā hameñ

ism-e-āzam kī sifat is ism-e-ālī meñ hai aaj

jannat-ul-firdaus meñ jā kar bhalā ham kyā kareñ

koī bhī us ḳhāna-e-vīrān-o-ḳhālī meñ hai aaj

hūr-o-ġhilmān-e-bahishtī yaañ mire ham-rāh haiñ

mulk-e-dil-ābād apne hasb-e-hālī meñ hai aaj

nek-o-bad yaksāñ hai vājib maiñ yahāñ imkān meñ

chāhiye rāhat to 'miskīñ' ḳhush-ḳhisālī meñ hai aaj

shama raushan jism-e-fanus-e-KHayali mein hai aaj

ruh jun misl-e-magas makDon ki jali mein hai aaj

hum nahin hargiz hubab-e-bahar-e-imkan dahr mein

sane-e-kaunain shakl-e-be-misali mein hai aaj

kaba-e-dil arsh hai har dam jahan rahta hun main

meri pahchanat ye jism-e-la-yazali mein hai aaj

nam sun kar jo koi aaya hai wo paya hamein

ism-e-azam ki sifat is ism-e-ali mein hai aaj

jannat-ul-firdaus mein ja kar bhala hum kya karen

koi bhi us KHana-e-viran-o-KHali mein hai aaj

hur-o-ghilman-e-bahishti yan mere ham-rah hain

mulk-e-dil-abaad apne hasb-e-haali mein hai aaj

nek-o-bad yaksan hai wajib main yahan imkan mein

chahiye rahat to 'miskin' KHush-KHisali mein hai aaj