shamen jugnu chand ke haale jama karo

sham.eñ jugnū chāñd ke haale jam.a karo

bojhal hai shab narm ujāle jam.a karo

piinā hai zahrāb-e-halāhal mujh ko bhī

mere yaaro pyaar ke pyāle jam.a karo

shāyad ḳhud ko dohrā.e tārīḳh-e-vafā

apnī bazm meñ ham se jiyāle jam.a karo

aur baḌhā.eñ shaan chaman kī jin ke zaḳhm

aaj vo kāñToñ ke matvāle jam.a karo

sukh kī manzil ke sāthī to lākhoñ haiñ

dukh kī raah meñ chalne vaale jam.a karo

'raaj asīr-e-zulf na hoñge dīvāne

Dasne vaale naag nirāle jam.a karo

shamen jugnu chand ke haale jama karo

bojhal hai shab narm ujale jama karo

pina hai zahrab-e-halahal mujh ko bhi

mere yaro pyar ke pyale jama karo

shayad KHud ko dohrae tariKH-e-wafa

apni bazm mein hum se jiyale jama karo

aur baDhaen shan chaman ki jin ke zaKHm

aaj wo kanTon ke matwale jama karo

sukh ki manzil ke sathi to lakhon hain

dukh ki rah mein chalne wale jama karo

'raj asir-e-zulf na honge diwane

Dasne wale nag nirale jama karo