shamim-e-zulf o gul-e-tar nahin to kuchh bhi nahin

shamīm-e-zulf o gul-e-tar nahīñ to kuchh bhī nahīñ

dimāġh-e-ishq mo.attar nahīñ to kuchh bhī nahīñ

ġham-e-hayāt bajā hai magar ġham-e-jānāñ

ġham-e-hayāt se baḌh kar nahīñ to kuchh bhī nahīñ

haqīqat-e-ġham-e-daurāñ ke saath ai nāseh

fareb-e-shīsha-o-sāġhar nahīñ to kuchh bhī nahīñ

rah-e-vafā meñ dil o jaañ nisār kar jaa.eñ

agar ye apnā muqaddar nahīñ to kuchh bhī nahīñ

azāb-e-dard pe nāzāñ haiñ ahl-e-dard magar

nashāt-e-dard mayassar nahīñ to kuchh bhī nahīñ

ye kah ke chhoḌ dī rāh-e-ḳhirad mire dil ne

qadam qadam pe jo Thokar nahīñ to kuchh bhī nahīñ

vo harf jis se hai mansūr o daar ko nisbat

lab-e-junūñ pe mukarrar nahīñ to kuchh bhī nahīñ

nasīm ban ke ham aa.e haiñ is gulistāñ meñ

kalī kalī jo gul-e-tar nahīñ to kuchh bhī nahīñ

shamim-e-zulf o gul-e-tar nahin to kuchh bhi nahin

dimagh-e-ishq moattar nahin to kuchh bhi nahin

gham-e-hayat baja hai magar gham-e-jaanan

gham-e-hayat se baDh kar nahin to kuchh bhi nahin

haqiqat-e-gham-e-dauran ke sath ai naseh

fareb-e-shisha-o-saghar nahin to kuchh bhi nahin

rah-e-wafa mein dil o jaan nisar kar jaen

agar ye apna muqaddar nahin to kuchh bhi nahin

azab-e-dard pe nazan hain ahl-e-dard magar

nashat-e-dard mayassar nahin to kuchh bhi nahin

ye kah ke chhoD di rah-e-KHirad mere dil ne

qadam qadam pe jo Thokar nahin to kuchh bhi nahin

wo harf jis se hai mansur o dar ko nisbat

lab-e-junun pe mukarrar nahin to kuchh bhi nahin

nasim ban ke hum aae hain is gulistan mein

kali kali jo gul-e-tar nahin to kuchh bhi nahin