شر پسندی کو بھی شہکار بتانے والے

شر پسندی کو بھی شہکار بتانے والے

تو بھی محفوظ نہیں آگ لگانے والے

وہ تو ظالم ہے تو پھر اس سے شکایت کیوں ہے

اپنی ہستی کو ہیں خود آپ مٹانے والے

کھنڈروں سے وہ سبق لیتے نہیں ہیں شاید

ہیں زمانے میں ابھی خواب سجانے والے

مل گئے خاک میں فرعون زمانہ یارو

سب مسافر اسی دنیا سے ہیں جانے والے

زندگی خود ہی ہر آداب سکھا دیتی ہے

بڑے آئے مجھے آداب سکھانے والے

پوچھتے کیا ہو ستم گر کی کہانی مجھ سے

چوٹ پر چوٹ لگاتے ہیں زمانے والے

سونے چاندی کے خداؤں کو گراں گزرے گا

شاہؔ کاغذ کو کرامات بتانے والے