sharab-e-arghawani KHum mein rakkhi thi na mine mein

sharāb-e-arġhavānī ḳhum meñ rakkhī thī na miine meñ

ye kis kā ḳhuun hai saaqī batā is ābgīne meñ

luñDhāte phirte ho tum roz paimāne pe paimāna

hameñ shabnam baḌhā dete ho sāvan ke mahīne meñ

hamārī bāda-ḳhvārī par ab un ko bhī shikāyat hai

kaTī hai 'umr jin kī aadmī kā ḳhuun piine meñ

udhar kuchh dūriyoñ kā silsila baḌhtā rahā ham se

idhar kuchh fāsle kam ho ga.e haiñ marne jiine meñ

dikhā.eñ kis ko jā ke ham shikasta tār-e-pairāhan

lage haiñ sab yahāñ apnī qabā ke chaak siine meñ

sabā ḳhushbū kī tālib hai to mil mushkīñ-kamandoñ se

kahīñ ‘ambar kī bū hotī hai mardoñ kī pasīne meñ

sukūñ ke din guzar jā.eñge ik din ahl-e-sāhil ke

ham ahl-e-mauj vo tūfān lā.eñge safīne meñ

'sahar' mansab hamārā bhī riyā-kārī agar hotā

to ham bhī shaiḳh ke shāmil nazar aate madīne meñ

sharab-e-arghawani KHum mein rakkhi thi na mine mein

ye kis ka KHun hai saqi bata is aabgine mein

lunDhate phirte ho tum roz paimane pe paimana

hamein shabnam baDha dete ho sawan ke mahine mein

hamari baada-KHwari par ab un ko bhi shikayat hai

kaTi hai 'umr jin ki aadmi ka KHun pine mein

udhar kuchh duriyon ka silsila baDhta raha hum se

idhar kuchh fasle kam ho gae hain marne jine mein

dikhaen kis ko ja ke hum shikasta tar-e-pairahan

lage hain sab yahan apni qaba ke chaak sine mein

saba KHushbu ki talib hai to mil mushkin-kamandon se

kahin ‘ambar ki bu hoti hai mardon ki pasine mein

sukun ke din guzar jaenge ek din ahl-e-sahil ke

hum ahl-e-mauj wo tufan laenge safine mein

'sahar' mansab hamara bhi riya-kari agar hota

to hum bhi shaiKH ke shamil nazar aate madine mein