sharab-e-ishq mein kya jaane kya tasir hoti hai

sharāb-e-ishq meñ kyā jaane kyā tāsīr hotī hai

kahīñ ye zahr hotī hai kahīñ iksīr hotī hai

na mafhūm us kā furqat hai na manshā vasl hai us kā

mohabbat asl meñ ik ḳhvāb-e-ḳhud-ta.abīr hotī hai

judā ho kar isī meñ jazb ho jaatī hai phir ik din

mohabbat āftāb-e-husn kī tanvīr hotī hai

mirā zauq-e-nazar ho yā tirā faiz-e-tasavvur ho

mire ā.īne meñ aksar tirī tasvīr hotī hai

shikāyat bhī mohabbat hī meñ dāḳhil hai magar 'bismil'

mohabbat be-niyāz-e-shikva-e-shikva-e-taqdīr hotī hai

sharab-e-ishq mein kya jaane kya tasir hoti hai

kahin ye zahr hoti hai kahin iksir hoti hai

na mafhum us ka furqat hai na mansha wasl hai us ka

mohabbat asl mein ek KHwab-e-KHud-tabir hoti hai

juda ho kar isi mein jazb ho jati hai phir ek din

mohabbat aaftab-e-husn ki tanwir hoti hai

mera zauq-e-nazar ho ya tera faiz-e-tasawwur ho

mere aaine mein aksar teri taswir hoti hai

shikayat bhi mohabbat hi mein daKHil hai magar 'bismil'

mohabbat be-niyaz-e-shikwa-e-shikwa-e-taqdir hoti hai