شراب جیسی ہیں اس کی آنکھیں ہے اس کا چہرہ کتاب جیسا

شراب جیسی ہیں اس کی آنکھیں ہے اس کا چہرہ کتاب جیسا

بہار اس کی حسیں تبسم وہ اک شگفتہ گلاب جیسا

وہ ذوق پنہاں وہ سب سے واحد وہ ایک عزت مآب جیسا

وہ رنگ محفل وہ نو بہاراں وہ نخ بہ نخ ہے نواب جیسا

اداس دل کی ہے سر خوشی وہ ہے زندگی کے ثواب جیسا

وہ میری بنجر سی دل زمیں پر برستا ہے کچھ سحاب جیسا

کبھی لگے ماہتاب مجھ کو کبھی لگے آفتاب جیسا

حقیقتوں کی تو بات چھوڑو وہ خواب میں بھی ہے خواب جیسا

اسی سے شعر و سخن ہیں میرے اسی سے تخلیق میری ساری

وہ عکس رو ہے مری غزل کا مرے تصور کے باب جیسا