sharabon par guzara hai

sharāboñ par guzārā hai

ḳhasārā hī ḳhasārā hai

nahīñ niyyat sañbhalne kī

vagarna har sahārā hai

gumāñ hone ke sau manzar

yaqīñ ko ik nazārā hai

lo āñkheñ muuñd liiñ ham ne

magar jo āshkārā hai

taḳhayyul kī ri.āyat meñ

tū ab tak bhī hamārā hai

tabī.at be-niyāzī kī

takalluf har gavāra hai

baḌe nāzāñ haiñ dukh sah kar

baḌā hī tiir maarā hai

hameñ kis baat kī diqqat

jo pyārā hai vo pyārā hai

chalo phir zindagī jī leñ

agarche kuchh na chāra hai

'amar' sāhib hue fāriġh

sabhī kuchh jiit haarā hai

sharabon par guzara hai

KHasara hi KHasara hai

nahin niyyat sanbhalne ki

wagarna har sahaara hai

guman hone ke sau manzar

yaqin ko ek nazara hai

lo aankhen mund lin hum ne

magar jo aashkara hai

taKHayyul ki riayat mein

tu ab tak bhi hamara hai

tabiat be-niyazi ki

takalluf har gawara hai

baDe nazan hain dukh sah kar

baDa hi tir mara hai

hamein kis baat ki diqqat

jo pyara hai wo pyara hai

chalo phir zindagi ji len

agarche kuchh na chaara hai

'amar' sahib hue farigh

sabhi kuchh jit haara hai