sharar-afshan wo sharar-KHu bhi nahin

sharar-afshāñ vo sharar-ḳhū bhī nahīñ

koī taarā koī jugnū bhī nahīñ

jaane tai manzil-e-shab ho kaise

duur tak nuur kī ḳhushbū bhī nahīñ

ham sā be-māya koī kyā hogā

apnī āñkhoñ meñ to aañsū bhī nahīñ

jis bayābāñ meñ junūñ laayā hai

us meñ to yaad ke aahū bhī nahīñ

jaane is zid kā natīja kyā ho

māntā dil bhī nahīñ tū bhī nahīñ

sharar-afshan wo sharar-KHu bhi nahin

koi tara koi jugnu bhi nahin

jaane tai manzil-e-shab ho kaise

dur tak nur ki KHushbu bhi nahin

hum sa be-maya koi kya hoga

apni aankhon mein to aansu bhi nahin

jis bayaban mein junun laya hai

us mein to yaad ke aahu bhi nahin

jaane is zid ka natija kya ho

manta dil bhi nahin tu bhi nahin