sharh-e-jamal kije shahadat ke ma-siwa

sharh-e-jamāl kiije shahādat ke mā-sivā

husn-e-azal kī baat rivāyat ke mā-sivā

rag rag meñ dauḌtī thī bahāroñ kī tāzgī

ab kuchh nahīñ lahū meñ harārat ke mā-sivā

ma.anī meñ Dhaal dījiye ik ek harf ko

kiije magar kalām ibārat ke mā-sivā

miltā nahīñ jahān meñ rañg āstān kā

mātam hai karbalā meñ shahādat ke mā-sivā

bas ik qayām diid pe hai ijtimā-e-kul

mumkin nahīñ hai hashr qayāmat ke mā-sivā

uThtā nahīñ hai paañv 'samad' aabla baġhair

lab pe nahīñ hai harf sadāqat ke mā-sivā

sharh-e-jamal kije shahadat ke ma-siwa

husn-e-azal ki baat riwayat ke ma-siwa

rag rag mein dauDti thi bahaaron ki tazgi

ab kuchh nahin lahu mein hararat ke ma-siwa

mani mein Dhaal dijiye ek ek harf ko

kije magar kalam ibarat ke ma-siwa

milta nahin jahan mein rang aastan ka

matam hai karbala mein shahadat ke ma-siwa

bas ek qayam did pe hai ijtima-e-kul

mumkin nahin hai hashr qayamat ke ma-siwa

uThta nahin hai panw 'samad' aabla baghair

lab pe nahin hai harf sadaqat ke ma-siwa