sharifon se rifaqat mein to ghaflat hum nahin karte

sharīfoñ se rifāqat meñ to ġhaflat ham nahīñ karte

kisī kam-zarf se milne kī chāhat ham nahīñ karte

kisī kī chāplūsī meñ jo din ko raat kahnā hai

kabhī bhūle se bhī us kī himāyat ham nahīñ karte

mohazzab daur meñ beToñ kī bikrī ḳhuub hotī hai

koī kah de ye nā-jā.ez tijārat ham nahīñ karte

husūl-e-manfa.at apnī nigāhoñ meñ muqaddam hai

inhīñ vajhoñ se iz.hār-e-haqīqat ham nahīñ karte

banī-nau-e-bashar kī manzilat sheva hamārā hai

rivāyāt-e-buzurgāñ se baġhāvat ham nahīñ karte

musalmāñ haiñ zamāne ko payām-e-amn dete haiñ

jo dahshat-gard haiñ un kī vakālat ham nahīñ karte

ġhalat-kārī kā jo anjām honā thā huā 'anjum'

muqaddar kī ḳharābī kī shikāyat ham nahīñ karte

sharifon se rifaqat mein to ghaflat hum nahin karte

kisi kam-zarf se milne ki chahat hum nahin karte

kisi ki chaplusi mein jo din ko raat kahna hai

kabhi bhule se bhi us ki himayat hum nahin karte

mohazzab daur mein beTon ki bikri KHub hoti hai

koi kah de ye na-jaez tijarat hum nahin karte

husul-e-manfat apni nigahon mein muqaddam hai

inhin wajhon se izhaar-e-haqiqat hum nahin karte

bani-nau-e-bashar ki manzilat shewa hamara hai

riwayat-e-buzurgan se baghawat hum nahin karte

musalman hain zamane ko payam-e-amn dete hain

jo dahshat-gard hain un ki wakalat hum nahin karte

ghalat-kari ka jo anjam hona tha hua 'anjum'

muqaddar ki KHarabi ki shikayat hum nahin karte