sharm kī surḳhī se raushan raaz ke ham-rāz haiñ
ham mohabbat naam kī āvāz ke ham-rāz haiñ
silsila afvāh kā kaise thame is shahr meñ
aap ke ham-rāz ke ham-rāz ke ham-rāz haiñ
ek khiḌkī us mahal kī shab meñ khultī hai zarūr
chand charvāhe agar shahnāz ke ham-rāz haiñ
āj-kal jo āsmāñ chhūne kī zid par haiñ aḌe
aise hī ham sāhib-e-parvāz ke ham-rāz haiñ
baat karte hī bulandī kā pata chal jā.egā
vo kisī kargas ke yā shahbāz ke ham-rāz haiñ
dard meñ Duube hue alfāz ye kahne lage
mere naġhme ik shikasta saaz ke ham-rāz haiñ
yuuñ ġham-e-jāñ ko bahā dete haiñ āñkhoñ se yahāñ
log kitne be-tuke andāz ke ham-rāz haiñ
sharm ki surKHi se raushan raaz ke ham-raaz hain
hum mohabbat nam ki aawaz ke ham-raaz hain
silsila afwah ka kaise thame is shahr mein
aap ke ham-raaz ke ham-raaz ke ham-raaz hain
ek khiDki us mahal ki shab mein khulti hai zarur
chand charwahe agar shahnaz ke ham-raaz hain
aaj-kal jo aasman chhune ki zid par hain aDe
aise hi hum sahib-e-parwaz ke ham-raaz hain
baat karte hi bulandi ka pata chal jaega
wo kisi kargas ke ya shahbaz ke ham-raaz hain
dard mein Dube hue alfaz ye kahne lage
mere naghme ek shikasta saz ke ham-raaz hain
yun gham-e-jaan ko baha dete hain aankhon se yahan
log kitne be-tuke andaz ke ham-raaz hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.