sharmili chhui-mui ajab mohni si thi

sharmīlī chhūī-mūī ajab mohnī sī thī

naddī ye gaañv meñ thī to kitnī bhalī sī thī

sahrā bhī thā udaas samundar bhī thā ḳhamosh

lekin vahī junūñ vahī dīvāngī sī thī

paanī ke intizār meñ ḳhālī ghaḌe ke paas

kuchh shoḳh shoḳh rañg the kuchh dilkashī sī thī

sūkhī huī nadī ko samundar kī thī talāsh

is ḳhvāhish-e-fuzūl meñ kyā sādgī sī thī

hoñToñ se gir rahe the vafāoñ ke ābshār

lekin diloñ meñ gard-e-kudūrat jamī sī thī

dariyā-e-ġham meñ shahr kā har fard ġharq thā

sāhil ke ās-pās fazā mātamī sī thī

us shaḳhs se 'shamīm' kā rishta ajiib thā

kuchh dushmanī kā rañg thā kuchh dostī sī thī

sharmili chhui-mui ajab mohni si thi

naddi ye ganw mein thi to kitni bhali si thi

sahra bhi tha udas samundar bhi tha KHamosh

lekin wahi junun wahi diwangi si thi

pani ke intizar mein KHali ghaDe ke pas

kuchh shoKH shoKH rang the kuchh dilkashi si thi

sukhi hui nadi ko samundar ki thi talash

is KHwahish-e-fuzul mein kya sadgi si thi

honTon se gir rahe the wafaon ke aabshaar

lekin dilon mein gard-e-kudurat jami si thi

dariya-e-gham mein shahr ka har fard gharq tha

sahil ke aas-pas faza matami si thi

us shaKHs se 'shamim' ka rishta ajib tha

kuchh dushmani ka rang tha kuchh dosti si thi