shauq ka taqaza hai sharh-e-arzu kije

shauq kā taqāza hai sharh-e-ārzū kiije

dil se ahd-e-ḳhāmoshī kaise guftugū kiije

dil ho yā garebāñ ho roz chaak hote haiñ

kyā junūñ ke mausam meñ koshish-e-rafū kiije

āshīqī-o-ḳhuddārī bandagī-o-ḳhud-bīnī

aarzū kī rāhoñ meñ ḳhūn-e-ārzū kiije

daad sa.ī-e-paiham kī kuchh to dījiye ya.anī

tāza-tar shikastoñ se dil ko surḳh-rū kiije

pā-e-shauq meñ kab tak rāstoñ kī zanjīreñ

sūrat-e-sabā chaliye sair chār-sū kiije

hai ḳhulūs kā maslak dushman-e-asar āḳhir

jo na ho muqaddar meñ us kī justujū kiije

bazm-e-jām-o-mīnā meñ dād-e-tishnagī diije

mausam-e-bahārāñ meñ hasrat-e-numū kiije

kyā ajab ki bar aa.e dil kī aarzū 'tābāñ'

sair kū-e-qātil kī aap bhī kabhū kiije

shauq ka taqaza hai sharh-e-arzu kije

dil se ahd-e-KHamoshi kaise guftugu kije

dil ho ya gareban ho roz chaak hote hain

kya junun ke mausam mein koshish-e-rafu kije

aashiqi-o-KHuddari bandagi-o-KHud-bini

aarzu ki rahon mein KHun-e-arzu kije

dad sai-e-paiham ki kuchh to dijiye yani

taza-tar shikaston se dil ko surKH-ru kije

pa-e-shauq mein kab tak raston ki zanjiren

surat-e-saba chaliye sair chaar-su kije

hai KHulus ka maslak dushman-e-asar aaKHir

jo na ho muqaddar mein us ki justuju kije

bazm-e-jam-o-mina mein dad-e-tishnagi dije

mausam-e-bahaaran mein hasrat-e-numu kije

kya ajab ki bar aae dil ki aarzu 'taban'

sair ku-e-qatil ki aap bhi kabhu kije