shauq ke shahr-e-tamanna ke Thikane guzre
shauq ke shahr-e-tamannā ke Thikāne guzre
raat phir zehn se kuchh ḳhvāb purāne guzre
chāñd jab jhiil meñ utrā to manāzir kī tarah
mujh ko chhūkar tire baazū tire shāne guzre
jaane kis shaḳhs ke baare meñ pareshān ho tum
ab hameñ ḳhud ko bhulāte bhī zamāne guzre
ham to har moḌ bichhā aa.e the dāman apnā
jaane kis raah bahāroñ ke ḳhazāne guzre
bujhne lagtā hai kisī sham.a ke mānind vajūd
jab tirī yaad havāoñ ke bahāne guzre
manzar-e-shauq vahī hai to safar kaisā thā
ham guzar aa.e ki 'jamshed' zamāne guzre
shauq ke shahr-e-tamanna ke Thikane guzre
raat phir zehn se kuchh KHwab purane guzre
chand jab jhil mein utra to manazir ki tarah
mujh ko chhukar tere bazu tere shane guzre
jaane kis shaKHs ke bare mein pareshan ho tum
ab hamein KHud ko bhulate bhi zamane guzre
hum to har moD bichha aae the daman apna
jaane kis rah bahaaron ke KHazane guzre
bujhne lagta hai kisi shama ke manind wajud
jab teri yaad hawaon ke bahane guzre
manzar-e-shauq wahi hai to safar kaisa tha
hum guzar aae ki 'jamshed' zamane guzre
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
