shauq ko be-adab kiya ishq ko hausla diya

shauq ko be-adab kiyā ishq ko hausla diyā

uzr-e-nigāh-e-dost ne jurm-e-nazar sikhā diyā

aah vo bad-nasīb aah nāla-e-andalīb-e-āh

merā fasāna-e-alam jaise mujhe sunā diyā

TuuT sakā na pasti-e-fikr-o-nazar kā silsila

daam na qafas ko ham ne ḳhud dām-o-qafas banā diyā

mere mazāq-e-dīd kī sharm usī ke haath hai

jis ne shuā-e-husn ko husn-e-nazar banā diyā

nāz-o-niyāz āshnā taġhāful-e-e'tibār

haa.e kis ehtimām se tum ne mujhe miTā diyā

ḳhuub ilaaj kar diyā apne marīz-e-ishq kā

dard miTāne aa.e the dard diyā miTā diyā

haa.e vo husn-o-ishq jab 'bāsit'-e-be-qarār ko

barq-e-nigāh-e-dost ne phūñk diyā jalā diyā

shauq ko be-adab kiya ishq ko hausla diya

uzr-e-nigah-e-dost ne jurm-e-nazar sikha diya

aah wo bad-nasib aah nala-e-andalib-e-ah

mera fasana-e-alam jaise mujhe suna diya

TuT saka na pasti-e-fikr-o-nazar ka silsila

dam na qafas ko hum ne KHud dam-o-qafas bana diya

mere mazaq-e-did ki sharm usi ke hath hai

jis ne shua-e-husn ko husn-e-nazar bana diya

naz-o-niyaz aashna taghaful-e-e'tibar

hae kis ehtimam se tum ne mujhe miTa diya

KHub ilaj kar diya apne mariz-e-ishq ka

dard miTane aae the dard diya miTa diya

hae wo husn-o-ishq jab 'basit'-e-be-qarar ko

barq-e-nigah-e-dost ne phunk diya jala diya