shauq se aap ye angrezi dawa bhi lete

shauq se aap ye añgrezī davā bhī lete

ham faqīroñ se magar thoḌī duā bhī lete

is liye hañsne-hañsāne kī banā lī aadat

maiñ jo rotā to ka.ī log mazā bhī lete

tere bikne kī ḳhabar kaash ki pahle hotī

itnī daulat to mirī jaan kamā bhī lete

ab koī biis baras ba.ad ye ehsās huā

chāhte ham to kahīñ haath chhuḌā bhī lete

is qadar bojh thā dil par hameñ marnā hī paḌā

zahr thoḌā sā jo hotā to pachā bhī lete

shauq se aap ye angrezi dawa bhi lete

hum faqiron se magar thoDi dua bhi lete

is liye hansne-hansane ki bana li aadat

main jo rota to kai log maza bhi lete

tere bikne ki KHabar kash ki pahle hoti

itni daulat to meri jaan kama bhi lete

ab koi bis baras baad ye ehsas hua

chahte hum to kahin hath chhuDa bhi lete

is qadar bojh tha dil par hamein marna hi paDa

zahr thoDa sa jo hota to pacha bhi lete