shauq uryan hai bahut jin ke shabistanon mein

shauq uryāñ hai bahut jin ke shabistānoñ meñ

vo mile ham ko hijāboñ ke sanam-ḳhānoñ meñ

khiḌkiyāñ kholo ki dar aa.e koī mauj-e-havā

raakh kā Dher haiñ kuchh log tarab-ḳhānoñ meñ

shahr-e-ḳhurshīd ke logoñ ko ḳhabar do koī

din ke ġham Duub ga.e raat ke paimānoñ meñ

jab koī sā.at-e-shādāb milī jām-ba-kaf

jaan sī paḌ ga.ī bujhte hue armānoñ meñ

ai sabā le ke chalī aa kisī bādal kī phuvār

ḳhaak uḌtī hai bahut dil ke bayābānoñ meñ

ai ġhazālān-e-vatan naaz karo ham pe ki ham

āḳhirī pusht haiñ ḳhūbāñ ke sanā-ḳhvānoñ meñ

shauq uryan hai bahut jin ke shabistanon mein

wo mile hum ko hijabon ke sanam-KHanon mein

khiDkiyan kholo ki dar aae koi mauj-e-hawa

rakh ka Dher hain kuchh log tarab-KHanon mein

shahr-e-KHurshid ke logon ko KHabar do koi

din ke gham Dub gae raat ke paimanon mein

jab koi saat-e-shadab mili jam-ba-kaf

jaan si paD gai bujhte hue armanon mein

ai saba le ke chali aa kisi baadal ki phuwar

KHak uDti hai bahut dil ke bayabanon mein

ai ghazalan-e-watan naz karo hum pe ki hum

aaKHiri pusht hain KHuban ke sana-KHwanon mein