شیو بڑھی ہے ساکت آنکھیں بکھرے بکھرے بال

شیو بڑھی ہے ساکت آنکھیں بکھرے بکھرے بال

فخرؔ تو کیسے حال میں گم ہے اپنا آپ سنبھال

میں نے میز پہ رکھ ڈالے ہیں تاش کے سارے پتے

اب تو اپنے دل سے سارے وہم خیال نکال

ریزہ ریزہ ٹوٹ گئی شخصیت کی دیوار

قطرہ قطرہ بہہ اٹھا ہے سوچوں کا سیال

ممکن تھا یہ راز نہ کھلتا لیکن میری بھول

میرے کوٹ کے کالر پر تھا اس کا لمبا بال

مشکل ہے اب تیرا میرا باہم مل کر رہنا

میرے سانچے میں تو ڈھل یا مجھ کو پھر سے ڈھال