sheron mein apna dard raqam kar nahin sake

she'roñ meñ apnā dard raqam kar nahīñ sake

yā'nī shumār apne alam kar nahīñ sake

merī tabāhiyoñ pe haiñ mātam-kunāñ sabhī

ik aap haiñ jo aañkh bhī nam kar nahīñ sake

ham se munāfiqoñ ne kahā saath meñ raho

ham apnī zaat par ye sitam kar nahīñ sake

kahne ko she'r ham ne hazāroñ kahe magar

tum ko kisī ḳhayāl meñ zam kar nahīñ sake

'hamza-bilāl' aap se ummīd hai bahut

vo kījiye jo ahl-e-qalam kar nahīñ sake

she'ron mein apna dard raqam kar nahin sake

ya'ni shumar apne alam kar nahin sake

meri tabahiyon pe hain matam-kunan sabhi

ek aap hain jo aankh bhi nam kar nahin sake

hum se munafiqon ne kaha sath mein raho

hum apni zat par ye sitam kar nahin sake

kahne ko she'r hum ne hazaron kahe magar

tum ko kisi KHayal mein zam kar nahin sake

'hamza-bilal' aap se ummid hai bahut

wo kijiye jo ahl-e-qalam kar nahin sake