sher-goi ke is aazar mein shal hone tak

sher-goī ke is āzār meñ shal hone tak

mustaqil sochtā rahtā huuñ ġhazal hone tak

terī qurbat se ka.ī raaz khule haiñ mujh par

dil muamma thā mujhe ishq meñ hal hone tak

bistar-e-marg pe huuñ aur ye pūchhūñ sab se

niiñd aa jā.egī kyā sub.h-e-ajal hone tak

dhundhle dhundhle se nazar aate the manzar mujh ko

sinf-e-goyā.ī ko āñkhoñ kā badal hone tak

ḳhaak bas ḳhaak hī hotī hai rag-e-jāñ ke baġhair

hukm bas hukm hī rahtā hai amal hone tak

kitne hāthoñ ko qalam kar diyā jaatā hai yahāñ

turbat-e-ishq ko ik tāj-mahal hone tak

kal mujhe vasl ke imkān bahut haiñ 'harshit'

umr lagtī hai magar aaj se kal hone tak

sher-goi ke is aazar mein shal hone tak

mustaqil sochta rahta hun ghazal hone tak

teri qurbat se kai raaz khule hain mujh par

dil muamma tha mujhe ishq mein hal hone tak

bistar-e-marg pe hun aur ye puchhun sab se

nind aa jaegi kya subh-e-ajal hone tak

dhundhle dhundhle se nazar aate the manzar mujh ko

sinf-e-goyai ko aankhon ka badal hone tak

KHak bas KHak hi hoti hai rag-e-jaan ke baghair

hukm bas hukm hi rahta hai amal hone tak

kitne hathon ko qalam kar diya jata hai yahan

turbat-e-ishq ko ek taj-mahal hone tak

kal mujhe wasl ke imkan bahut hain 'harshit'

umr lagti hai magar aaj se kal hone tak