sher kya hai ghubar-e-KHatir hai

sher kyā hai ġhubār-e-ḳhātir hai

tā.ir-e-fikr kā koī par hai

bhuul sakte ho ḳhud ko paḌh kar ise

ek mantar mujhe jo azbar hai

vādī-e-yād meñ to har jānib

chāñdnī raat kā sā manzar hai

baat kar dekhiye mirā lahja

mere ash.ār se bhī behtar hai

dair-o-ka.aba ke moḌ se aage

baa.eñ muḌ jaa.eñ to mirā ghar hai

Dāliye is pe bojh sajdoñ kā

haañ magar soch kar ki ye sar hai

shaiḳh sāhib na toḌiye is ko

ye mirā dil nahīñ ye sāġhar hai

tum jise puuj lo vo hai bhagvān

maiñ uThā luuñ jise vo patthar hai

kis kī 'rāhat' kī baat karte ho

chhoḌiye vo to ek kāfir hai

sher kya hai ghubar-e-KHatir hai

tair-e-fikr ka koi par hai

bhul sakte ho KHud ko paDh kar ise

ek mantar mujhe jo azbar hai

wadi-e-yaad mein to har jaanib

chandni raat ka sa manzar hai

baat kar dekhiye mera lahja

mere ashaar se bhi behtar hai

dair-o-kaba ke moD se aage

baen muD jaen to mera ghar hai

Daliye is pe bojh sajdon ka

han magar soch kar ki ye sar hai

shaiKH sahib na toDiye is ko

ye mera dil nahin ye saghar hai

tum jise puj lo wo hai bhagwan

main uTha lun jise wo patthar hai

kis ki 'rahat' ki baat karte ho

chhoDiye wo to ek kafir hai