sher kya jis mein nok-jhok na ho

she'r kyā jis meñ nok-jhok na ho

murġh phir kyā laḌe jo nok na ho

kahīñ dekhe hī sāda-rū ḳhūñḳhār

chashma-e-ā.ina meñ jok na ho

vahī kūcha bhulā ki jis meñ kabhū

dandanāloñ kī rok-Tok na ho

naam gardūñ pe jis kā hai parvīñ

neshkar kā ye us ke phok na ho

ranDī-bāzī vo kyā kare phir ḳhaak

paas jis ke kitāb-e-kok na ho

galla bāyad harīs-e-shahvat-rā

ek bakrī se shād-bok na ho

peT kā bhaaḌ hai balā na bhare

ḳhuub tā is meñ jhokā-jhok na ho

husn mutrib hai sun ke gaane kā

pesha le jab gale meñ Dok na ho

kyā phañketī kā vo kare dā'vā

'mus.hafī' yaad jis ko rok na ho

she'r kya jis mein nok-jhok na ho

murgh phir kya laDe jo nok na ho

kahin dekhe hi sada-ru KHunKHar

chashma-e-aina mein jok na ho

wahi kucha bhula ki jis mein kabhu

dandanalon ki rok-Tok na ho

nam gardun pe jis ka hai parwin

neshkar ka ye us ke phok na ho

ranDi-bazi wo kya kare phir KHak

pas jis ke kitab-e-kok na ho

galla bayad haris-e-shahwat-ra

ek bakri se shad-bok na ho

peT ka bhaD hai bala na bhare

KHub ta is mein jhoka-jhok na ho

husn mutrib hai sun ke gane ka

pesha le jab gale mein Dok na ho

kya phanketi ka wo kare da'wa

'mushafi' yaad jis ko rok na ho