shewa-e-zabt ko ruswa dil-e-nashad na kar
shewa-e-zabt ko ruswa dil-e-nashad na kar
Rasool Jahan Begam Makhfi Badayuni
MORE BYRasool Jahan Begam Makhfi Badayuni
sheva-e-zabt ko rusvā dil-e-nāshād na kar
lab-e-ḳhāmosh ko ālūda-e-fariyād na kar
dil hai ganjīna-e-sad-gauhar-e-asrār-vafā
ai nigāh-e-ġhalat-andāz ise barbād na kar
saf.ha-e-dil se miTā azmat-e-māzī ke nuqūsh
haiñ ye bhūle hue afsāne inheñ yaad na kar
sheva-e-jaur ko rakh ahl-e-vafā tak mahdūd
aam faiz-e-ḳhalish-e-dard-e-ḳhudā-dād na kar
rakh nazar vus.at-e-dāmān-karam par apne
tū ḳhatā-posh hai 'maḳhfī' kī ḳhatā yaad na kar
shewa-e-zabt ko ruswa dil-e-nashad na kar
lab-e-KHamosh ko aaluda-e-fariyaad na kar
dil hai ganjina-e-sad-gauhar-e-asrar-wafa
ai nigah-e-ghalat-andaz ise barbaad na kar
safha-e-dil se miTa azmat-e-mazi ke nuqush
hain ye bhule hue afsane inhen yaad na kar
shewa-e-jaur ko rakh ahl-e-wafa tak mahdud
aam faiz-e-KHalish-e-dard-e-KHuda-dad na kar
rakh nazar wusat-e-daman-karam par apne
tu KHata-posh hai 'maKHfi' ki KHata yaad na kar
- Uroos-e-sukhan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
