shish-mahal mein do pal ko mehman hue the hum

shīsh-mahal meñ do pal ko mehmān hue the ham

ā.īne meñ ab tak apnā chehra DhūñDte haiñ

na.ī imārat ke saa.e meñ kaisā hai ye Dher

log purāne is meñ apnī duniyā DhūñDte haiñ

pyaas kahāñ lagtī hai is tūfānī mausam meñ

phir bhī jañgal meñ sab aahū dariyā DhūñDte haiñ

bastī ḳhud ho jaatī hai vīrāne meñ tabdīl

josh-e-junūñ meñ dīvāne kab sahrā DhūñDte haiñ

yuuñ bhī to ḳhud se hī bāteñ karnī haiñ din-rāt

ham bhī koī 'rāhat' apne jaisā DhūñDte haiñ

shish-mahal mein do pal ko mehman hue the hum

aaine mein ab tak apna chehra DhunDte hain

nai imarat ke sae mein kaisa hai ye Dher

log purane is mein apni duniya DhunDte hain

pyas kahan lagti hai is tufani mausam mein

phir bhi jangal mein sab aahu dariya DhunDte hain

basti KHud ho jati hai virane mein tabdil

josh-e-junun mein diwane kab sahra DhunDte hain

yun bhi to KHud se hi baaten karni hain din-raat

hum bhi koi 'rahat' apne jaisa DhunDte hain