shishe ke muqaddar mein badal kyun nahin hota
shīshe ke muqaddar meñ badal kyuuñ nahīñ hotā
in pattharoñ kī aañkh meñ jal kyuuñ nahīñ hotā
qudrat ke usūloñ meñ badal kyuuñ nahīñ hotā
jo aaj huā hai vahī kal kyuuñ nahīñ hotā
har jhiil meñ paanī hai har ik jhiil meñ lahreñ
phir sab ke muqaddar meñ kañval kyuuñ nahīñ hotā
jab us ne hī duniyā kā ye dīvān rachā hai
har aadmī pyārī sī ġhazal kyuuñ nahīñ hotā
har baar na milne kī qasam khā ke mile ham
apne hī irādoñ pe amal kyuuñ nahīñ hotā
har gaañv meñ mumtāz janam kyuuñ nahīñ letī
har moḌ pe ik tāj-mahal kyuuñ nahīñ hotā
shishe ke muqaddar mein badal kyun nahin hota
in pattharon ki aankh mein jal kyun nahin hota
qudrat ke usulon mein badal kyun nahin hota
jo aaj hua hai wahi kal kyun nahin hota
har jhil mein pani hai har ek jhil mein lahren
phir sab ke muqaddar mein kanwal kyun nahin hota
jab us ne hi duniya ka ye diwan racha hai
har aadmi pyari si ghazal kyun nahin hota
har bar na milne ki qasam kha ke mile hum
apne hi iradon pe amal kyun nahin hota
har ganw mein mumtaz janam kyun nahin leti
har moD pe ek taj-mahal kyun nahin hota
- Book : Kuchh Aur Tarah Se Bhi (Gazal) (Pg. 90)
- Author : Hastimal Hasti
- Publication : Vani Prakashan (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
