شیشے میں دیکھ کر وہ ہی شیشہ تلاشنا

شیشے میں دیکھ کر وہ ہی شیشہ تلاشنا

ویسا ہے جیسے عکس میں چہرہ تلاشنا

جو ہو گیا ہے ٹوٹ کے چورا ہی ہجر میں

آساں نہیں ہے دل کا وہ حصہ تلاشنا

ڈھونڈھو تو مل ہی جائے گا دیوانہ عشق میں

مشکل نہیں ہے عقل کا اندھا تلاشنا

جس دن تمہیں خبر ملے جنت کی دوستو

زندہ تلاشنا مجھے مردہ تلاشنا

پہلے تو تم نے جگنوؤں سے چھینی تیرگی

پھر کہتے ہو اندھیرے میں رستا تلاشنا

لوٹا ہوں جب سے موت کی آغوش میں سے میں

پیشہ ہی بن گیا مرا خطرا تلاشنا