shikayat ke ewaz hum shukr karte hain sanam tere

shikāyat ke evaz ham shukr karte haiñ sanam tere

mazā dene lage kuchh sahte sahte ab sitam tere

na pūchh ab mujh se tū merī umīdoñ kī ye sūrat hai

ki haiñ bhī aur nahīñ bhī jis tarah pur-lutf kam tere

jidhar tū ne kiyā ruḳh zer-e-pā merā tasavvur thā

na bāvar ho to dekh āñkhoñ meñ haiñ naqsh-e-qadam tere

lab-e-jāñ-baḳhsh-e-jānāñ kab ijāzat deñge marne kī

qayāmat tak na dekheñge qadam ḳhvāb-e-adam tere

nahīñ rakhtā koī sarmāya-e-a.amāl paas apne

bharose ke liye āshiq ke kaafī haiñ karam tere

tamannā ġhair kī karnā ḳhilāf-e-rasm-e-ulfat hai

maiñ ehsān-e-ajal kyuuñ luuñ nahīñ haiñ kyā sitam tere

zarā dekheñ to kyuuñ kar dam nikal jaatā hai sadmoñ se

firāq-e-dil-rubā aaj imtihāñ karte haiñ ham tere

mujhe bhūle nahīñ pās-e-mohabbat us ko kahte haiñ

shab-e-vaslat meñ bhī haiñ dūrī-e-jānāñ karam tere

hujūm-e-be-ḳhudī meñ ai 'nasīm' ab pās-e-ma.anī kyā

ijāzat de burā achchhā likheñ jo kuchh qalam tere

shikayat ke ewaz hum shukr karte hain sanam tere

maza dene lage kuchh sahte sahte ab sitam tere

na puchh ab mujh se tu meri umidon ki ye surat hai

ki hain bhi aur nahin bhi jis tarah pur-lutf kam tere

jidhar tu ne kiya ruKH zer-e-pa mera tasawwur tha

na bawar ho to dekh aankhon mein hain naqsh-e-qadam tere

lab-e-jaan-baKHsh-e-jaanan kab ijazat denge marne ki

qayamat tak na dekhenge qadam KHwab-e-adam tere

nahin rakhta koi sarmaya-e-amal pas apne

bharose ke liye aashiq ke kafi hain karam tere

tamanna ghair ki karna KHilaf-e-rasm-e-ulfat hai

main ehsan-e-ajal kyun lun nahin hain kya sitam tere

zara dekhen to kyun kar dam nikal jata hai sadmon se

firaq-e-dil-ruba aaj imtihan karte hain hum tere

mujhe bhule nahin pas-e-mohabbat us ko kahte hain

shab-e-waslat mein bhi hain duri-e-jaanan karam tere

hujum-e-be-KHudi mein ai 'nasim' ab pas-e-mani kya

ijazat de bura achchha likhen jo kuchh qalam tere