shikan ke sath jite hain thakan ki dastaras mein hain

shikan ke saath jiite haiñ thakan kī dastaras meñ haiñ

haqīqat meñ sabhī apne badan kī dastaras meñ haiñ

jamāl-e-nik.hat-e-shām-o-sahar bhī anjuman meñ hai

kalī bhauñre gul-o-bulbul chaman kī dastaras meñ haiñ

mujhe parvāz kar ke āsmāñ meñ Dūbnā thā aur

mujhe ye yaad thā ham sab badan kī dastaras meñ haiñ

asīrān-e-ġham-e-duniyā fanā kī justujū meñ haiñ

kahīñ par hazrat-e-zāhid kafan kī dastaras meñ haiñ

are ai husn jaatā huuñ jahāñ tere hī charche haiñ

batā kitne dil-e-dānā tuman kī dastaras meñ haiñ

shikan ke sath jite hain thakan ki dastaras mein hain

haqiqat mein sabhi apne badan ki dastaras mein hain

jamal-e-nikhat-e-sham-o-sahar bhi anjuman mein hai

kali bhaunre gul-o-bulbul chaman ki dastaras mein hain

mujhe parwaz kar ke aasman mein Dubna tha aur

mujhe ye yaad tha hum sab badan ki dastaras mein hain

asiran-e-gham-e-duniya fana ki justuju mein hain

kahin par hazrat-e-zahid kafan ki dastaras mein hain

are ai husn jata hun jahan tere hi charche hain

bata kitne dil-e-dana tuman ki dastaras mein hain