shikast-e-ishq ka qissa naya nahin rakhte
shikast-e-ishq kā qissa nayā nahīñ rakhte
magar ham is ke sivā rāsta nahīñ rakhte
aziyyatoñ ke alāva hamārī umr ke log
mohabbatoñ se koī vāsta nahīñ rakhte
haiñ ek umr se be-ḳhānumāñ ki aaj bhī ham
sivā.e ishq koī tajraba nahīñ rakhte
jaras kī rasm hai dastak-kunāñ magar ham log
bahut dinoñ se koī mudda.ā nahīñ rakhte
mohabbatoñ se gurezāñ haiñ tere baad ki ham
jarāhatoñ ko talab se sivā nahīñ rakhte
shikast-e-ishq ka qissa naya nahin rakhte
magar hum is ke siwa rasta nahin rakhte
aziyyaton ke alawa hamari umr ke log
mohabbaton se koi wasta nahin rakhte
hain ek umr se be-KHanuman ki aaj bhi hum
siwae ishq koi tajraba nahin rakhte
jaras ki rasm hai dastak-kunan magar hum log
bahut dinon se koi muddaa nahin rakhte
mohabbaton se gurezan hain tere baad ki hum
jarahaton ko talab se siwa nahin rakhte
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
