shikast-e-KHwab ka hamein malal kyun nahin raha

shikast-e-ḳhvāb kā hameñ malāl kyuuñ nahīñ rahā

bichhaḌ ga.e to phir tirā ḳhayāl kyuuñ nahīñ rahā

agar ye ishq hai to phir vo shiddateñ kahāñ ga.iiñ

agar ye vasl hai to phir muhāl kyuuñ nahīñ rahā

vo zulf zulf raat kyuuñ bikhar bikhar ke rah ga.ī

vo ḳhvāb ḳhvāb silsila bahāl kyuuñ nahīñ rahā

vo saaya jo bujhā to kyā badan bhī saath bujh gayā

nazar ko tīrgī kā ab malāl kyuuñ nahīñ rahā

vo daur jis meñ āgahī ke dar khule the kyā huā

zavāl thā to umr-bhar zavāl kyuuñ nahīñ rahā

kahīñ se naqsh bujh ga.e kahīñ se rañg uḌ ga.e

ye dil tire ḳhayāl ko sambhāl kyuuñ nahīñ rahā

shikast-e-KHwab ka hamein malal kyun nahin raha

bichhaD gae to phir tera KHayal kyun nahin raha

agar ye ishq hai to phir wo shiddaten kahan gain

agar ye wasl hai to phir muhaal kyun nahin raha

wo zulf zulf raat kyun bikhar bikhar ke rah gai

wo KHwab KHwab silsila bahaal kyun nahin raha

wo saya jo bujha to kya badan bhi sath bujh gaya

nazar ko tirgi ka ab malal kyun nahin raha

wo daur jis mein aagahi ke dar khule the kya hua

zawal tha to umr-bhar zawal kyun nahin raha

kahin se naqsh bujh gae kahin se rang uD gae

ye dil tere KHayal ko sambhaal kyun nahin raha